Gmail - [Fwd: [tasilisili] Re: Saame 81:1, 10-16 [ Sepitema 2, 2007]] - kfinau@gmail.com

[Fwd: [tasilisili] Re: Saame 81:1, 10-16 [ Sepitema 2, 2007]] - kfinau@gmail.com: "> Lolotonga pe hono uki kitautolu kihe Lotu, pe Hiva fiefia, kuo talamai,,,Ka
> faifaiange kuotau 'talangata'a pe fakaongoongotuli kia Sihova, pea mahino
> leva 'oku 'ikai ke kei hoko 'a Sihova kohotaumalohinga..

---

Ko e lea 'oku vilo pea 'alu mo foki 'i he ngaahi tasilisili ko e 'Napa'a lilo' (pe 'oku tonu pe hono sipela pe 'ikai), ne u malie'ia hono vetevete. Ko e vetevete 'oku ou malie'ia ai ko e pehe, 'ko ha ki'i foa 'oku hoko 'o 'ikai fakatokanga'i.'

Ko e lave kuo ke fai sami ko e ki'i foa ia ki he'eku fakakaukau. Ka 'ikai ke tau fakatokanga'i 'etau 'fakaongotuli' pe 'talangata'a' pea 'e hange nai ia ko ha huu'anga ia ke tafe mai ai 'a hotau fakavaivai'i. Taimi lahi 'oku faingata'a ke tau 'ilo 'a e foa 'oku 'i he lilo, pea 'oku tau fa'a tuku ai pe 'o 'ikai fai hano vakili. Ka 'oku makatu'unga ('i he taimi lahi) 'a e 'ikai ke tau fa'a fakatokanga'i 'a e foa 'oku iiki mo lilo koe'uhi he 'oku tau mo'unofoa 'i hono fakasio 'a e ngaahi foa lalahi. Pea 'oku makatu'unga ('i he taimi 'e ni'ihi) 'etau nofo ke fakasio foa lalahi koe'uhi ko 'etau fie tangata lalahi, pea 'oku makatu'unga ('i he taimi 'e ni'ihi) 'etau fie tangata lalahi mei he 'amanaki 'oku 'ikai ke tau 'moefe vave'.

Ka 'ikai fakatokanga'i 'a e fakaongotuli mo e talangata'a pea mahino pe 'e hoko ko hotau tu'utamaki'anga. 'E hange nai ko ha fu'u tunga'i'akau 'i ha fononga'anga. 'E si'isi'i ha'ane tokoni ki he fononga ka 'e lahi ange 'ene hoko ko e tatola'anga.

ko e malie'ia pe 'i he fakatalanoa kuo fai,
loke

____________________________"